Харилцагч, байгууллагын гарын бэлэг: яагаад саван сонгох вэ

Харилцагч, хамт олондоо өгөх гарын бэлэг хэрэглэгддэг, хүн бүрд таардаг, нэрийг тань санагдуулдаг байх ёстой. Монголд үйлдвэрлэсэн саван энэ гурвыг бүгдийг хангадаг: хайрцагтай, удаан хадгалагдана, лого шошго нэмж болно. Цагаан сар, жилийн эцэс, хурал зөвлөгөөнд олноор нь захиалахад тохиромжтой.

Жилийн эцэс ойртоход оффис бүрт нэг асуулт гарч ирдэг: «Харилцагчдаа юу өгөх вэ?» Дахиад нэг аяга уу? Тэмдэглэлийн дэвтэр үү? Тэд аль хэдийн шүүгээндээ хэд хэдийг хураачихсан.

Сайн гарын бэлгийн гурван шинж

• Хэрэглэгддэг. Шүүгээнд биш, өдөр тутмын амьдралд орж ирдэг.
• Хүн бүрд таардаг. Нас, хүйс, амтаас үл хамаарна.
• Нэрийг тань санагдуулдаг. Хэрэглэх бүрдээ өгсөн хүнээ санана.

Саван энэ гурвыг бүгдийг хангадаг цөөхөн бэлгийн нэг: айл бүрд хэрэгтэй, удаан хэрэглэгдэнэ, угаалтуур дээр өдөр бүр харагдана.

Монгол гарын бэлэг

Гадаадын харилцагч, зочинд Монголоос авч явах бэлэг хайж байвал монгол түүхий эдээр хийсэн зүйл хамгийн их үнэлэгддэг. Манай гангатай саван монгол малын цэвэршүүлсэн тос, ганга өвсөөр хийгддэг — саван бүрээс ганганы ширхэг харагдана. Хайрцагтай, 150 гр, 2,200₮.

Илүү энгийн, өдөр тутмын бэлэг бол Nova хатуу саван, шингэн саван ч сонголт болно.

Лого, шошготой

Байгууллагын нэр, лого бүхий шошго нэмж болно. Энэ тохиолдолд нэмэлт хугацаа шаардах тул урьдчилан ярилцаарай. Өөрсдөө үйлдвэрлэдэг тул том хэмжээний захиалгыг ч хугацаанд нь бэлдэх боломжтой.

Цагаан сарын гарын бэлэг

Цагаан сараар айл бүр олон зочин хүлээж авч, явахад нь бэлэг барьдаг. Хэдэн арван айл ирэх тул бэлгийг олноор нь, нэг дор бэлдэх нь хялбар. Хайрцагтай саван энд ч таарна: хөнгөн, эвдрэхгүй, хүн бүрд хэрэгтэй.

Нэг зүйлийг анхаараарай: лааг баяр ёслолын бэлэгт бид санал болгодоггүй — лааны гэрлийн бэлгэдэл буяны ажилтай холбоотой.

Захиалах

Тоо ширхэг, хүргэх газраа 9105-1080 дугаарт хэлээд захиалаарай. Бөөний болон байгууллагын хамтын ажиллагааны нөхцөл — энд.